ఏం తెలివి గురూ.. బీరుతో మంటలను ఆర్పేసిన మందుబాబు!

 

కారు.. బీరు.. మంటలు పరారు! మంటల్లో చిక్కుకున్న ఆ మందు బాబు కారును ‘బీరు’ రక్షించింది. అదెలా సాధ్యం అనుకుంటున్నారా? అయితే, చూడండి.

అత్యవసర పరిస్థితుల్లో కొంతమంది ఎలాంటి ఆందోళన చెందకుండా చాలా తెలివిగా సమస్యను పరిష్కరిస్తారు. ఇదిగో ఈ మందుబాబు కూడా అలాగే ఆలోచించాడు. కారులో ఏర్పడిన మంటలను బీరుతో ఆర్పేసి ఆశ్చర్యపరిచాడు. అదేంటీ.. మద్యం పోస్తే మంటలు మరింత పెరుగుతాయి కదా.. ఆ మంటలు ఎలా ఆరాయనేగా మీ సందేహం. అయితే, ఏం జరిగిందో చూడండి.

డీపీఏ వార్తా సంస్థ వెల్లడించిన వివరాల ప్రకారం.. బవేరియాలోని హెస్బాచ్ పట్టణంలో నివసిస్తున్న ఓ వ్యక్తి బీరు బాటిళ్లును కొనుగోలు చేశాడు. దారి మధ్యలో అతడి కారు ఇంజిన్ నుంచి అకస్మాత్తుగా మంటలు చెలరేగాయి. అయితే, అతడు పెద్దగ వర్రీ కాలేదు. వెంటనే తన కారులో ఉన్న బీరును మంటలపై పోశాడు. అంతే.. మంటలు క్షణాల్లో ఆరిపోయాయి. అగ్నిమాపక సిబ్బంది అక్కడికి చేరుకొనేసరికే సమస్య తీరిపోయింది. ఈ విషయం తెలియగానే నెటిజనులు అతడి తెలివికి తెగ పొగిడేస్తున్నారు. ఇతర ఆల్కహాల్‌తో పోలిస్తే బీరులో 90 నుంచి 95 వరకు శాతం నీరు ఉంటుంది. అందుకే, ఆ మంటలు సులభంగా ఆరిపోయాయి.