అదిరిపోయే గోల్డ్ స్కీమ్.. రూ.100 నుంచి డబ్బులు పెట్టొచ్చు.. భారీ బోనస్!

 

బంగారు పథకంలో డబ్బులు పెట్టాలని యోచిస్తున్నారా? అయితే మీకు శుభవార్త. మీకోసం ఒక అదిరిపోయే ఆఫర్ అందుబాటులో ఉంది. మీరు రూ.100 నుంచి కూడా ఇన్వెస్ట్ చేయొచ్చు.

ప్రధానాంశాలు:

• అదిరిపోయే స్కీమ్
• గోల్డ్‌లో సేవింగ్ చేయొచ్చు
• రూ.100 ఉన్నా చాలు

ప్రతి ఒక్కరూ వారు చేసే ఇన్వెస్ట్‌మెంట్లపై, సేవింగ్స్‌పై మంచి రాబడి పొందాలని భావిస్తారు. డబ్బులు పెట్టేందుకు చాలా ఆప్షన్లు అందుబాటులో ఉన్నాయి. బంగారం కూడా ఇందులో భాగమే. బంగారంలో ఇన్వెస్ట్ చేయాలని భావించే వారికి ఒక అదిరిపోయే స్కీమ్ అందుబాటులో ఉంది.

మైక్రో సేవింగ్స్ ఫిన్‌టెక్ సిప్లీ తాజాగా గ్యాంరటీడ్ గోల్డ్ సేవింగ్స్ స్కీమ్ గురించి మీరు తెలుసుకోవాలి. మీరు ఈ గోల్డ్ సేవింగ్ స్కీమ్‌లో రూ.100 నుంచి కూడా ఇన్వెస్ట్ చేయొచ్చు. ప్రతి ఒక్కరికీ ఇన్వెస్ట్‌మెంట్ ఆప్షన్ అందుబాటులో ఉండేందుకు తక్కువ ఇన్వెస్ట్‌మెంట్‌ అందిస్తున్నామని కంపెనీ తెలిపింది.

వారానికి రూ.100 కడుతూ రావొచ్చు. మూడు నెలల వరకు కట్టాలి. మూడు నెలల తర్వాత మీకు 10 శాతం బోనస్ లభిస్తుంది. 24 క్యారెట్ల బంగారం పొందొచ్చు. మీరు కూడా ఈ గోల్డ్ స్కీమ్‌లో డబ్బులు పెట్టాలని భావిస్తే.. కంపెనీ యాప్ డౌన్‌లోడ్ చేసుకోవాలి.

గూగుల్ ప్లేస్టోర్ ద్వారా మీరు Siply సిప్లీ యాప్‌ను డౌన్‌లోడ్ చేసుకోవచ్చు. ఇప్పటికే ఈ యాప్‌ను 80 వేల మంది ఉపయోగిస్తున్నారు. ఎలాంటి అదనపు డాక్యుమెంట్లు అందించాల్సిన పని లేదు. గోల్డ్ సేవింగ్స్ స్కీమ్‌లో డబ్బులు ఇన్వెస్ట్ చేసుకుంటూ వెళ్లొచ్చు.