ప్రెసిడెంట్ గలీజు పని.. పని మనిషిని అక్కడ తాకాలని.. వీడియో వైరల్

 

Philippine: రోడ్రిగోకు ప్రస్తుతం 76వ పుట్టిన రోజు. ఈ సందర్భంగా చిన్నపాటి వేడుక ఏర్పాటు చేశారు. ఈ క్రమంలో ఆయన నివాసంలో పని చేసే సహాయకురాలు ఓ చిన్న కేక్ అధ్యక్షుడి వద్దకు తీసుకొచ్చింది.

ఎప్పుడూ వివాదాస్పద వ్యాఖ్యలు, మహిళలతో అసభ్య చేష్టలు చేస్తూ వార్తల్లో నిలిచే ఫిలిప్పీన్స్ అధ్యక్షుడు రోడ్రిగో డ్యూరెట్ మరోసారి రెడ్ హ్యాండెడ్‌గా దొరికిపోయారు. ఓ మహిళ పట్ల అసభ్యంగా ప్రవర్తించారు. ఏకంగా ఆమె ప్రైవేట్ పార్ట్స్ తాకేందుకు ఆయన ప్రయత్నించడం గమనించదగ్గ విషయం. దీంతో ఆమె వెంటనే వెనక్కి జరిగారు. దీనికి సంబంధించిన వీడియో ప్రస్తుతం సామాజిక మాధ్యమాల్లో వైరల్ అవుతోంది.

రోడ్రిగోకు ప్రస్తుతం 76వ పుట్టిన రోజు. ఈ సందర్భంగా చిన్నపాటి వేడుక ఏర్పాటు చేశారు. ఈ క్రమంలో ఆయన నివాసంలో పని చేసే సహాయకురాలు ఓ చిన్న కేక్ అధ్యక్షుడి వద్దకు తీసుకొచ్చింది. అప్పుడు రోడ్రిగో డైనింగ్ టేబుల్ వద్ద కూర్చొని ఉన్నారు. చిన్న కేక్‌పై క్యాండిల్ తీసుకొచ్చిన ఆమె వైపు అదోలా చూసిన ప్రెసిడెంట్ ఆమె రాగానే.. సహాయకురాలి కింది భాగాన్ని తాకేందుకు యత్నించారు. దీన్ని పసిగట్టిన ఆమె వెంటనే వెనక్కు జరిగారు. ఆ తర్వాత ప్రెసిడెంట్ రోడ్రిగో క్యాండిల్‌ను ఆర్పేశారు. చుట్టూ వ్యక్తులు ఉన్నా, వారంతా వీడియో తీస్తున్నా అధ్యక్షుడు మాత్రం ఇలా అసభ్యంగా ప్రవర్తించడంపై విమర్శలు వ్యక్తమవుతున్నాయి.

అయితే, ఈ పరిణామంపై అధ్యక్షుడి అధికార ప్రతినిధి హ్యారీ రోక్‌ స్పందించారు. తమ అధ్యక్షుడి చర్యను పూర్తిగా సమర్థించారు. ఇదేమీ దుర్బుద్ధితో చేసిన పని కాదని అన్నారు. ఆ మహిళ ఎంతో కాలం నుంచి అక్కడ పనిచేస్తోందని తెలిపారు. ఈ ఘటన సమయంలో అధ్యక్షుడి భార్య హనీలెట్‌ కూడా అక్కడే ఉన్నారు. కాబట్టిన దీనిపై ఎవరూ అంత చింతించాల్సిన పనిలేదని చెప్పుకొచ్చారు. అధ్యక్షుడికి జోకులంటే ఇష్టమని మీ అందరికీ తెలుసు కదా. వీడియోలో కనిపిస్తున్నట్లు ఇది దుర్బుద్ధితో చేసిందేమీ కాదు.. కేవలం ఆటపట్టించేందుకు చేసిందే..’ అని హ్యారీ రోక్‌ ఓ ప్రకటన విడుదల చేశారు.